MULING saabak sa kampanya si Senador Grace Poe ngayong Martes, Abril 23, matapos ang mahabang bakasyon upang bigyan daan ang paggunita ng Semana Santa.
Susuyuin ni Sen. Poe ngayong Martes ang mga botante ng Cagayan at Isabela.
Habang sa Huwebes naman, Abril 25, ay magtutungo siya sa Ilocos Sur at Norte.
Ang apat na lalawigan ay kabilang sa tinatawag na Solid North, o balwarte ni dating Pangulong Ferdinand E. Marcos.
Ang Isabela ay mayroong mahigit 911,000 botante, habang ang Cagayan ay mayroon namang mahigit 647,000 botante.
Ang Ilocos Region naman ay may 3.3 milyong botante.
Nauna nang sinabi ni Poe na kahit nangunguna siya sa mga survey ay hindi siya magiging kampante dahil patuloy siyang mag-iikot sa iba’t ibang panig ng bansa hanggang sa Mayo 11, o dalawang araw bago ang halalan.
