Ateneo, nakahandang sipain ang 2 sigang high school student

Nanindigan ang opisyales ng Ateneo de Manila University (ADMU) na hindi sila magdadalawang-isip sa sa pagpapataw ng kaparusahan sa dalawang estudyante ng Ateneo Junior High School na nasangkot sa viral video ng bullying incident sa loob ng paaralan.

Ayon kay ADMU President Fr. Jose Ramon Villarin SJ, matapos nilang makausap ang mga magulang ng biktima at ng dalawang estudyante noong Biyernes, nakahanda silang sipain o paalisin sa paaralan ang mga estudyanteng mapapatunayang nagkasala ng grave misconduct.

“The Ateneo Junior High School Committee on Discipline has already met with and heard both parties involved. The case shall be decided soonest, and this decision shared with the community,” ayon sa opisyal na kalatas ni Villarin.

Idinagdag pa ng opisyal na hindi katanggap-tanggap ang ganitong uri ng bayolenteng insidente na taliwas sa kanilang mga itinuturo.

“The school is not silent on its stand on violence and it will not hesitate to impose the penalty of dismissal or even expulsion in cases of grave misconduct. A hallmark of Ateneo education is teaching our young men to respect the dignity of others, to practice the value of communication and dialogue, and to cultivate the compassion and discipline we all need to build mutual respect and peace in the community,” pahayag pa ni Villarin.

Ilang video ang kumalat sa mga sikat na social media website na nagpapakitang nananakit ng pisikal at berbal ang ilang ADMU Junior High School student laban sa kanilang kapwa estudyante.

“Bugbog o dignidad?,” tanong ng isang mag-aaral sa isang estudyante.

Pinili ng biktimang huwag mawala ang kanyang dignidad at mabilis naman siyang inatake ng suspek.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close